Vivimos no mundo da intelixencia artificial, das compras online, das recomendacións baseadas nas procuras que facemos no Internet e dos algoritmos que rastrexan os nosos gustos. Vale, é rápido e cómodo, pero as máquinas nunca poderán substituír o arrecendo dunha libraría, a emoción de mergullarte polos estantes cheos de libros ou as propostas personalizadas que nos fai a nosa libreira.
Nós témolo claro…
ti de que es, de algoritmos ou de persoas?
Vivimos no mundo da intelixencia artificial, das compras online, das recomendacións baseadas nas procuras que facemos no Internet e dos algoritmos que rastrexan os nosos gustos. Vale, é rápido e cómodo, pero as máquinas nunca poderán substituír o arrecendo dunha libraría, a emoción de mergullarte polos estantes cheos de libros ou as propostas personalizadas que nos fai a nosa libreira.
Nós témolo claro…
ti de que es, de algoritmos ou de persoas?
Por que esta campaña?
Cada día, milleiros de persoas en Galicia compran libros seguindo suxestións como:
- Os usuarios que compraron isto tamén compraron…
- Baseado nos teus hábitos de compra…
- O noso algoritmo recomenda para ti…
Mentres, as nosas librarías son espazos de resistencia cultural e de comunidade, e optamos por un modelo ben diferente:
- Escoitamos as túas necesidades, as túas ideas
- Coñecemos eses libros únicos que non aparecen nas procuras
- Facemos recomendacións baseadas en conversas, non en códigos
- Atinamos con libros que nunca imaxinarías
Lembra! Un algoritmo analiza o que compraches antes: unha libreira escóitate para saber o que precisas agora.
Non cotizamos en Bolsa, pero temos grandes números
Parácheste a pensar na cantidade de librarías independentes que hai en Galicia? Todas elas son puntos de venda cercanos a ti, con recomendacións personalizadas, cun catálogo descentralizado e con moitas ganas de que as visites. Non hai plataforma online que supere iso!
Queres participar na campaña? É ben doado
Es unha libraría da Federación?
Nas vindeiras semanas recibirás un kit de materiais da campaña: colócaos na túa libraría, visibiliza a campaña, comparte en redes sociais etiquetando a @LibrariasGal e co hashtag #AlgoritmosVSPersoas
Es unha lectora ou lector?
Únete ao movemento: visita as librarías do teu barrio ou da túa vila, comparte coas túas amizades a importancia de manter vivas as librarías independentes, comparte en redes sociais etiquetando a @LibrariasGal e co hashtag #AlgoritmosVSPersoas
Chegou a hora de decidir
Cada libro que compras aquí é un acto de resistencia cultural.
Cada recomendación que segues é unha aposta pola humanidade.
descarga de balde